Қиличбозларимиз халқаро ўқув-машғулот йиғинида ишитирок этиш учун Украинага жўнаб кетишди
Қиличбозларимиз халқаро ўқув-машғулот йиғинида ишитирок этиш учун Украинага жўнаб кетишди
Бугун шпага йуналиши бўйича Ўзбекистон миллий терма жамоа аъзолари Украина давлатининг Киев шаҳрида халқаро ўқув-машғулот йиғини ва Россия Федерациясининг Казань шаҳрида Жаҳон чемпионати мусобақасида иштирок этиш учун Киевга шаҳрига жўнаб кетишди.
Таъкидлаш жоизки, мазкур халқаро йиғинлар Украина қиличбозлик Федерацияси ва Россия қиличбозлик Федерацияларининг таклифига биноан ҳамда Ўзбекистон қиличбозлик Федерацияси тренерлар Кенгашининг 2021 йил 4 февралдаги 4-сонли баёни қарори асосида ташкил этилди.
Мазкур халқаро ўқув-машғулот йиғинида қиличбозлик бўйича Миллий терма жамоа аъзолари Олимпия уйинларига пухта тайёргарлик кўраётган бошқа мамлакат жамоаларининг техник-тактик тайёргарлиги билан яқиндан танишиш имконига эга бўлади.
Шу билан бир қаторда, ўзбек шпагачилари учун ушбу халқаро ўқув-машғулот йиғинида орттирилган малака ва спорт тажрибалари Казань шаҳрида бўлиб ўтадиган Жаҳон чемпионатида муносиб иштирок этишларига хизмат қилади деб умид қиламиз.
Эслатиб ўтамиз, қиличбозлик спорт турининг шпага йуналиши бўйича Миллий терма жамоамиз аъзолари 2021 йил 23 февральдан 15 март кунигача Украина давлатининг Киев шаҳрида халқаро ўқув-машғулот йиғинида қатнашиб, сўнгра 2021 йил 16-25 март кунлари Россия Федерациясининг Казань шаҳрида Жаҳон чемпионати мусобақасида иштирок этишади.
Ўзбекистон қиличбозлик Федерацияси Матбуот хизмати