Ikkinchi bosqichda esa dastlabki toʻrt oʻrin egalari alohida va quyi toʻrt oʻrin egalari alohida jami 6 ta oʻyindan iborat yana ikki davra bahslarida ishtirok etadi. Shu tariqa Pro-liga klublari mavsum yakuniga qadar umumiy 20 ta tur uchrashuvlarida maydonga tushishadi. Pro-liga gʻolibi esa superliga yoʻllanmasini qoʻlga kiritadi. Ligada 2-oʻrinni egallagan jamoa oʻtish oʻyinida superligada 13-pogʻonani band etgan klubni oʻz uyida qabul qiladi.

Darvoqe, Pro-liganing ikki vakili Oʻzbekiston kubogining guruh bosqichida ishtirok etadi. Shu munosabati bilan 15 va 30-avgust kunlari zaxira kunlari sifatida qayd etilgan. Saralash bosqichidan muvaffaqiyatli oʻtgan eng kuchli ikki klub esa mamlakat kubogining guruh bosqichida qatnashish huquqini qoʻlga kiritadi.

Quyida Pro-liganing dastlabki ikki turidagi juftliklar bilan tanishing:

1-tur

3-iyul, juma

“Neftchi” – “Dinamo”

“Xorazm” – “Turon”

“Oqtepa” – “Zomin”

“Shoʻrtan” – “Istiqlol”

2-tur

8-iyul, chorshanba

“Dinamo” – “Istiqlol”

“Zomin” – “Shoʻrtan”

“Turon” – “Oqtepa”

“Neftchi” – “Xorazm”

Joriy yilgi Pro-liga bahslari 15-noyabr kuni yakunlanadi.

Jismoniy tarbiya va sport vazirligi
Matbuot xizmati