Миянгизга зўр беринг

Мия янги нарсани ўрганиш учун зўр бериб ишлай бошлади.

Масалан, тўқишни ёки чет тилини ўрганмоқчисиз. Сиз фойдали маҳоратга эга бўляпсиз ва бу фаолият мия учун жуда яхши бўлади. Натижада миянгиз янада самарали ишлайди ва олинган маълумотларни тезда қабул қиласиз ва ёдлаб қоласиз.

Концентрацияни ўрганинг

Мутахассислар фикрига кўра, бунинг учун медитация техникасидан фойдаланган яхши. Бирор киши медитация қилганда, концентрацияга жавоб берувчи мия соҳасида турли сигналларни қайта ишлайдиган ва диққатини жалб қиладиган кулранг моддалар миқдори ортади. Ҳа, бу жуда оддий эмас, аммо натижаси шунга арзийди.

Мутолаани бошланг

Ўқиш нафақат сўз бойлигини кенгайтириш ва нутқ сифатини яхшилашга, балки миянинг турли хил функцияларини фаоллаштиришга ҳам ёрдам беради. Ўқишни бошлашингиз билан мия абстракция ва белгилар шифрини очиш устида фаол ишлай бошлайди.

Кўпроқ ҳаракат қилинг

Олимлар одамнинг жисмоний фаоллиги туфайли унинг когнитив қобилиятлари (идрок этиш, атрофдаги воқелик ҳақидаги маълумотни таҳлил қилиш, диққат, хотира ва нутқ) яхшиланишини исботладилар. Бундан ташқари, енгил жисмоний фаоллик ва юриш кайфиятингизни яхшилайди.

Кундалик юритинг

Шахсий кундалик тўпланган салбий фикрлардан халос бўлишга ёрдам беради. Кундалик сизга вақтингизни режалаштиришни ва муҳим нарсаларни унутмасликни ўргатади. Буни амалга ошириш учун бажаришингиз керак бўлган вазифалар рўйхатини тузишингиз ва қайси вазифаларни кейинроқ қолдиришингиз ва шошилинч бажаришни талаб қиладиган нарсаларга эътибор беришингиз керак.

Манба: https://zen.yandex.ru/media/id/5cb0499871aefa00b32665aa/uchimsia-razvivat-mozg-5ec8b1ba6f66a73416324abc