Мамлакатимиз катта мураббийларнинг бутун галактикаси бўлган ва ҳозир ҳам шундай. Бугунги кунда устоз ва шогирд ўртасидаги ўзаро тушуниш кўп нарсани англатади. Бу муносабатлар спортчининг карьерасига ҳал қилувчи таъсир кўрсатади. Натижалар чиқмагунча, шогирд мураббийга боғлиқ.
Бу борада улкан хизмат кўрсатган мураббий Ирина Александровна Винер-Усмонованинг шахси ёрқин мисолдир.
Ирина Александровна Самарқандда зиёлилар оиласида туғилган. Винер – бўлажак гимнастикачининг асл фамилияси. Қизалоқ туғилганидан кўп ўтмай, унинг ота-онаси Ўзбекистон пойтахтига кўчиб ўтишди. Бобоси скрипкачи, отаси Александр Эфимович эса Ўзбекистон Бадиий академиясининг аъзоси, қизига бадиий эстетикани сингдирган, кейинчалик бу Винернинг чиқишларида ўз аксини топган. Онаси Зоя Зиновиевна шифокор бўлиб ишлаган. Винерлар оиласида икки фарзанд – Ирина ва Борис бўлган.
Турли нашрлар ва манбаларни таҳлил қилиб, таъкидлаш мумкинки, Ирина Винерда бадиийлик болаликдан намоён бўлган. Болалигидан мусиқага меҳр қўйган, мактабнинг биринчи синфларидан бошлаб театрда ўйнаган, балетга қатнашган. Ёшлигида Винер актриса бўлишни орзу қилган, аммо унинг ота-онасига бу фикр ёқмаган. Унинг ижодий салоҳиятини англаш учун қизи бадиий гимнастика билан шуғулланади.
Тошкентда мураббийлар ёш гимнастикачининг маҳоратини тезда пайқадилар. Эгилувчан, хипчабел қизнинг биринчи мураббийлари Лилия Петрова ва Элеанора Сумарокова эдилар. Ўқитувчиларнинг тажрибаси, Ирина Винернинг фидойилиг тиришқоқлиги тезда ўз самарасини берди: шогирд мусобақаларда пешқадамликни қўлга киритиб, мураббийларни хурсанд қилди. Ёш гимнастикачининг спорт карьераси тез ривожланди: Ирина Винер қисқа вақт ичида уч марта Ўзбекистон чемпиони бўлди.
1965 йилда Ирина Александровна умумтаълим мактабини кумуш медаль билан тугатди ва ота-онасининг талабига биноан тиббиёт институтига ҳужжат топширди. Аммо кириш имтиҳони Ирина Александровна учун омадсиз кечди. Оила йиғилишида Винерлар муроса тўғрисида қарор қабул қилишди: Ирина Александровна Ўзбекистон жисмоний тарбия ва спорт институтининг талабаси бўлди.
Ўқишни тугатгандан сўнг, Винернинг спортдаги фаолияти давом этди. Битирувчи Тошкентда, Республика Олимпия захиралари болалар ва ўсмирлар спорт мактабидан иш топди. Кейинчалик Ирина Винер бу жойда мураббийликни бошлади.
Давоми бор . . .
Азизахон Холдарова, ТДИУ 2-босқич талабаси