Қиличбозлик спорти тантаналари

Қиличбозлик спорти тантаналари

 

        Республика болалар-ўсмирлар ихтисослашган олимпия заҳиралари спорт мактабида  7 сентябрда рапира ва шпага бўйича “Сателлит” халқаро турнирининг тантанали очилиши ҳамда Халқаро қиличбозлик кунининг байрам тадбири  бўлиб ўтди.

        Қиличбозлик спорти иҳлосмандларига   Ўзбекистонда қиличбозлик тарихи ўз ифодасини топган театрлаштирилган тамоша кўрсатилди. Санъат усталари байрам концертини намойиш этдилар.

        Тадбирда сўзга чиққан Ўзбекистон Республикаси жисмоний тарбия ва спорт вазири Д.Х.Набиев, Ўзбекистон Миллий олимпия қўмитасининг президенти Р.М.Шоабдураҳмонов, Осиё қиличбозлик конфедерациясининг раиси Сельсо Дайрит, Панамерика қиличбозлик конфедерациясининг президенти, қиличбозлик бўйича жаҳон чемпиони В.Н.Логвин Ўзбекистонда Президент Шавкат Мирзиёв томонидан спортни, айниқса унинг   инфратузилмасини ривожлантириш, жамиятда соғлом турмуш тарзини қарор топтириш, аҳолини, айниқса ёшларни спорт билан шуғулланишга кенг жалб этиш, олий спорт  соҳасида мамлакатимизнинг халқаро спорт майдонида муносиб иштирокини таъминлашга қаратилган давлат сиёсати изчил  амалга оширилаётганлигини таъкидлашди.

        Бу ҳозир Тошкентда давом этаётган рапира ва шпага бўйича “Сателлит” халқаро турнири ҳамда 9-10 сентябрда бўлиб ўтадиган қиличбозлик бўйича  Марказий Осиё конфедерациясининг очиқ  чемпионатида ҳам ўзининг ифодасини топмоқда.